स्थानीय तह उपनिर्वाचन अन्तर्गत नेकपा माओवादी केन्द्रले रुकुम पूर्वमा खाता खोलेको छ । जिल्लाको पुथाउत्तर गंगा गाउँपालिका –२ मा माओवादीका उम्मेदवार जगतबहादुर घर्ती निर्विरोध निर्वाचित हुनु भएको हो ।
काँग्रेस-एमालेको तर्फबाट उम्मेदवारी दिनुभएका जीवन रोकाले उम्मेदवारी फिर्ता लिएपछि घर्ती निर्विरोध हुनुभएको हो ।
पुथाउत्तरगंगा गाउँपालिका उपाध्यक्षमा एमाले जिल्ला उपसचिव केसकुमारी तुलाचन कांग्रेसको चुनाव चिह्न लिएर उम्मेदवार बन्नुभएको छ । त्यहाँ माओवादी केन्द्रका तर्फबाट नरपुरा बुढा उपाध्यक्ष उम्मेदवार हुनुहुन्छ ।
