बर्दियास्थित नेपाल-भारत सिमानामा गोली चल्यो, एकजना घाइते

बर्दियाको सदरमुकाम गुलरिया–८ स्थित नेपाल भारत सिमानामा गोली प्रहार हुँदा एकजना घाइते भएका छन्। गुलरिया–८ का ४० वर्षीय बलराम लोधमाथि आइतबार करिब ७ बजे गोली प्रहार भएको जिल्ला प्रहरी कार्यालय बर्दियाका प्रवक्ता डीएसपी ऋषिराम घर्तीमगरले जानकारी दिनु भयो । डीएसपी मगरका अनुसार लोधको ढाडमा गोलीको छर्रा लागेको छ। अहिले कोहलपुर शिक्षण अस्पतालमा उँहाको उपचार भइरहेको छ। उँहाको अवस्था खतरामुक्त रहेको प्रहरीले जनाएको छ । प्रहरीले भारतीय वनकर्मीले चलाएको अनुमान गरेको छ। थप अनुसन्धान भइरहेको डीएसपी मगरले जानकारी दिनु भयो ।