बेलबारीमा बस र बोलेरो जिप ठोक्किँदा चालकको मृत्यु

काठमाडौं ः  मोरङको बेलबारी नगरपालिका–३ मा बस र बोलेरो जित  ठोक्किँदा बोलेरो चालकको मृत्यु भएको छ । पूर्वबाट पश्चिमतर्फ आउँदै गरेको ना ४ ख १४९० नम्बरको बस र पश्चिमबाट पूर्वतर्फ जाँदै गरेको बोलेरो एक आपसमा ठोक्किएर दुर्घटना हुँदा बेलबारी–९ बाहुनीका ३६ वर्षीय कृष्ण थापाको मृत्यु भएको हो । दुर्घटनामा गम्भीर घाइते भएका उनलाई उपचारका लागि उनको न्युरो अस्पताल विराटनगर लगिएकोका उपचारका क्रममा उनको मृत्यु भएको मोरङ प्रहरीले जनाएको छ । दुर्घटनामा बोलेरो पूर्ण रूपमा क्षतिग्रस्त भएको छ। बसको अगाडिको भागमा पनि क्षति पुगेको छ। दुर्घटनापछि फरार रहेका बसका चालकको खोजी भइरहेको प्रहरीले जनाएको छ।