संघीय संसद् अन्तरगत प्रतिनिधिसभाका दुई समितिका बैठक आज बस्दै

संघीय संसद् अन्तरगत प्रतिनिधिसभाका दुई समितिका बैठक आज बस्दैछ । महिला तथा सामाजिक मामिला समितिको बैठक बिहान १० बजे सिंहदरबारमा बस्नेछ । बैठकमा राज्यको मूल प्रवाहमा आउन नसकेका समुदाय तथा जातजातिको जनसंख्याको अवस्था सम्बन्धमा छलफल गर्ने कार्यसूची रहेको संसद सचिवालयले जनाएको छ । यस्तै शिक्षा, स्वास्थ्य तथा सूचना प्रविधि समितिमा शहिद दशरथ चन्द स्वास्थ्य विज्ञान विश्वविद्यालय विधेयक, २०८० माथि सैद्धान्तिक छलफल हुनेछ । बैठक बिहान ११ बजे बस्नेछ ।