सहकारी ठगी प्रकरणमा पक्राउ परेका पूर्वडीआईजी छविलाल जोशीलाई पोखरा लगियो

सहकारी ठगी प्रकरणमा पक्राउ परेका पूर्वडीआईजी छविलाल जोशीलाई पोखरा लगिएको छ । काठमाडौंबाट पक्राउ परेका जोशीलाई आजै विमानमार्फत पोखरा लगिएको हो । पोखराको पृथ्वीचोकस्थित गण्डकी मेडिकल कलेजमा उनको स्वास्थ्य जाँच गरेर जिल्ला प्रहरी कार्यालयमा लगिएको छ । उनलाई सोमबार जिल्ला अदालत लगेर म्याद थप गर्ने तयारी छ । गोर्खा मिडियाका पूर्वसञ्चालक जोशीलाई सहकारी संस्था बचत रकम दुरुपयोग सम्बन्धमा संसदीय छानबिन विशेष समितिले कारबाही सिफारिस गरेको थियो ।