इङ्लिस प्रिमियर लिगमा आज सात वटा खेल हुँने

इङ्लिस प्रिमियर लिग फुटबलमा आज सात वटा खेल हुँदैछन् । आज हुने पहिलो खेलमा नेपाली समयअनुसार बेलुका सवा ५ बजे आर्सनल र ब्राइटन खेल्ने छन् । राति सवा १० बजे म्यानचेस्टर सिटी र वेस्टह्याम बिच प्रतिस्पर्धा हुनेछ । साविक विजेता सिटी छ अङ्कका साथ तालिकाको शीर्ष स्थानमा छ । समान छ अङ्क नै रहेको ब्राइटन दोस्रो, आर्सनल तेस्रो र लिभरपुल चौथो स्थानमा छन् । सिटी र वेस्टह्यामको खेल अघि बेलुका पौने ८ बजे नटिङघम फरेस्ट र उल्भ्स, लेस्टरसिटी र एस्टनभिल्ला, इपस्वीच टाउन, फुलहम, ब्रेन्टफोर्ड र साउथह्याम्पटन तथा एभर्टन र बर्नमाउथबीच प्रतिस्पर्धा हुनेछ ।