परराष्ट्रमन्त्री राणा आज स्वदेश फर्किँदै

काठमाडौँ । भारतको पाँच दिने भ्रमण पूरा गरी परराष्ट्रमन्त्री आरजु राणा आज स्वदेश फर्किँदै हुनुहुन्छ । उहाँ आज दिउँसो ४ बजे त्रिभुवन अन्तर्राष्ट्रिय विमानस्थल आइपुग्ने जनाइएको छ ।
परराष्ट्रमन्त्री राणा गत आइतबार भारतीय समकक्षी एस. जयशंकरको निमन्त्रणामा भारत भ्रमणमा जानु भएको थियो । भ्रमणका क्रममा उहाँले भारतका प्रधानमन्त्री नरेन्द्र मोदी, विदेशमन्त्री जयशंकर र भाजपा विदेश विभाग प्रमुख डा. विजय चौथाइवाले लगायतका नेताहरूसँग भेटवार्ता गर्नुभएको छ । भेटका क्रममा नेपाल भारत सम्बन्ध, बहु आयामिक विविधता र द्विपक्षीय हितका विषयमा कुराकानी भएको थियो ।