२० वर्षमुनिको साफ च्याम्पियनसिपमा आज नेपाल र बङ्गलादेश खेल्दै

काठमाडौँ ।  २० वर्षमुनिको साफ च्याम्पियनसिप फुटबलमा आज समूह ‘ए’ का नेपाल र बङ्गलादेश खेल्दै छन् । खेल ललितपुरको सात दोबाटोमा रहेको एन्फा कम्प्लेक्स मैदानमा दिउँसो ३ बजे हुनेछ । नेपाल र बङ्गलादेश दुवै टोली सेमिफाइनलमा पुगिसकेका छन् ।
यो खेलबाट समूह ‘ए’ को विजेता र उपविजेताको टुङ्गो लाग्नेछ । यो समूहको श्रीलङ्का पहिलो खेलमा नेपालसँग र दोस्रो खेलमा बङ्गलादेशसँग पराजित हुँदै बाहिरिइसकेको छ ।
हिजो भएको खेलमा भुटानले माल्दिभ्सलाई हराए पछि सेमिफाइनल पुग्ने सम्भावना कायमै राखेको छ । भुटान पहिलो खेलमा भारतसँग पराजित भएको थियो ।
अब भोलि हुने भारत र माल्दिभ्सबीचको खेलबाट समूह ‘बी’ बाट सेमिफाइनलमा पुग्ने टोलीको टुङ्गो लाग्नेछ ।