काठमाडौँ । नेकपा एमालेका अध्यक्ष एवम् प्रधानमन्त्री केपी शर्मा ओली र नेपाली काँग्रेसका सभापति शेरबहादुर देउवा बिच भेटवार्ता भएको छ । आज दिउँसो प्रधानमन्त्रीको सरकारी निवास बालुवाटारमा भएको भेटवार्तामा दुई नेता बिच सरकारले गरिरहेका र गर्नुपर्ने कामका विषयमा छलफल भएको छ । भेटवार्ताको फोटो सार्वजनिक गर्नुहुँदै प्रधानमन्त्री ओलीले राजनीतिक विमर्श भएको जानकारी गराउनुभएको छ ।
भेटपछि प्रधानमन्त्री ओलीले फेसबुकमा लेख्नुभएको छ, ‘‘आज शनिवार । नेपाली काँग्रेसका सभापति, पूर्व प्रधानमन्त्री, मेरा मित्र शेरबहादुर देउवाजीसँग कुराकानी भयो। केही जानकारी आदानप्रदान, केही राजनीतिक विमर्श भए। सरकारले गरिरहेका र गर्नुपर्ने कामका विषयमा पनि कुरा भए।’
