लायन्स क्लब अफ काठमाडौं युनिटी सर्कल प्रेसिडेन्ट लायन र सिनीयर एड्भाइजर लायनले काभ्रेको रोशी माध्यामिक बिद्यालयमा स्टेशनरी तथा खेलकुद सामाग्री वितरण गर्नु भएको छ ।
यही साउन २६ गते सर्कलका प्रेसिडेन्ट लायन कुमारप्रसाद अधिकारी तथा सिनीयर एड्भाइजर लायन श्यामप्रसाद अधिकारीका पिता रामप्रसाद अधिकारीको ७० औ जन्मदिनका अवसरमा विद्यालयलाई स्टेशनरी तथा खेलकुद सामाग्री वितरण गरिएको हो ।
सो अवसरमा विद्यालय परिषरमा बृक्षारोपण समेत गरिएको छ । समाजसेवी अधिकारीले जन्मदिनका अवसरमा विद्यालयमा शैक्षिक सामाग्री वितरण गर्न पाउँदा खुशी व्यक्त गर्नुभयो ।
सो अवसरमा रोशी गाउपालिका वडा नम्बर ७ का अध्यक्ष अशोक गौतम, बिद्यालयका शिक्षक,विद्यार्थी तथा स्थानिय अभिभाबकको सहभागिता रहेको लायन्स क्लबका चाटर्ड प्रेसिडेन्ट रोजिन्द्रराज थापाले जानकारी दिनुभयो ।
