प्रधानमन्त्री पुष्पकमल दाहाल प्रचण्डले आउँदो सेप्टेम्बर तेस्रो हप्ता चीनको भ्रमण गर्नुहुने भएको छ ।
परराष्ट्रमन्त्री एनपी साउदले प्रधानमन्त्री प्रचण्डले सेप्टेम्बरको तेस्रो/चौथो हप्ता चीनको भ्रमण गर्नुहुने जानकारी दिनुभयो । आज आइतवार काठमाडौंमा आयोजित एक कार्यक्रममा बोल्दै मन्त्री साउदले वर्तमान सरकार सधैँ छिमेकी राष्ट्रसँग सुमधुर सम्बन्ध बनाउने पक्षमा रहेको स्पष्ट पार्नुभयो ।
यसअघि प्रधानमन्त्री प्रचण्डको भारत भ्रमण फलदायी भएको उल्लेख गर्दै उहाँले त्यस भ्रमणमा महत्त्वपूर्ण उपलब्धि हाँसिल भएको बताउनुभयो ।
