प्रदेश र प्रतिनिधि सभाका उम्मेदवारको नामावली आज सार्वजनिक हुँदै

मंसिर ४ मा हुने प्रतिनिधिसभा र प्रदेशसभा निर्वाचनकालागि उम्मेदवारी दिएकाहरुको नामावली आज सार्वजनिक हुँदै छ । साँझ ५ देखि ७ बजेसम्म उमेदवारको नामावली प्रकाशन गर्ने तयारी रहेको निर्वाचन आयोगmे जनाएको छ । प्रतिनिधिसभाको १६५ वटा निर्वाचन क्षेत्रका लागि २५ सय १३ जनाको उमेदवारी दर्ता भएको छ भने, प्रदेशसभातर्फ ३४ सय ७६ जनाको उमेदवारी दर्ता भएको आयोगले जनाएको छ । उम्मेदवारी फिर्ता लिन चाहने उम्मेदवारले भोली बिहान १० बजेदेखि एक बजेसम्म फिर्ता लिन सक्ने जनाइएको छ ।यस्तै भोलि नै उम्मेदवारको अन्तिम नामावली प्रकाशन गर्ने आयोगको कार्यसूची छ । दिउँसो ३ बजेभित्र उमेदवारको अन्तिम नामावली प्रकाशन गर्ने र ४ देखि ५ बजेभित्र उमेदवारलाई निर्वाचन चिह्न प्रदान गर्ने निर्वाचन कार्यातालिका छ  ।