काठमाण्डौं । भक्तपुरमा एक महिलामाथि केमिकल प्रहार गरेको आरोपमा उनका श्रीमान् पक्राउ परेका छन् ।
पक्राउ पर्नेमा सूर्यविनायक नगरपालिका–४, दधिकोट बस्ने ६५ वर्षीय श्याम गुभाजु छन् । हिजो साँझ ६० वर्षीया श्रीमतीमाथि नाम नखुलेको केमिकल (रसायन) प्रहार गरी घाइते बनाएको प्रहरीले जनाएको छ । श्रीमतीलाई कुटपित समेत गरेका थिए ।
महानगरीय प्रहरी परिसर भक्तपुरबाट खटिएको टोलीले गुभाजुलाई नियन्त्रणमा लिएको छ । घाइतेलाई उपचारका लागि कीर्तिपुरस्थित बर्न अस्पताल लगिएको परिसरका सूचना अधिकारी प्रहरी नायब उपरीक्षक राजु पाण्डले जानकारी दिनुभयो ।
घटनास्थलमा अनुसन्धान अधिकृतसहितको टोलीले प्रारम्भिक अनुसन्धान गरी थप अनुसन्धान भइरहेको प्रहरीले जनाएको छ ।
