काठमाडौं । नेपालमा पछिल्लो २४ घण्टामा २१९ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार ७१८० जनाको पिसिआर र २४९७ जनाको एन्टिजेन परीक्षण गर्दा २१९ जनामा संक्रमण पुष्टि भएको हो ।
त्यस्तै, पछिल्लो २४ घण्टामा कोरोनाको संक्रमणबाट एक जना मृत्यु भएको छ । योसँगै हालसम्म देशभर कोरोनाबाट मृत्यु हुनेको संख्या ११ हजार ५ सय ८५ पुगेको छ ।
आइतबार २८३ जना कोरोनाबाट संक्रमणमुक्त भएका छन् । हाल ४ हजार ९०६ सक्रिय संक्रमित रहेका छन् ।
